भैरहवा नाकासँग त्रस्त वीरगञ्जका व्यापारी !

१५ असोज, वीरगञ्ज । पछिल्लो समयमा भैरहवा भन्सारमा आर्थिक कारोबार बढ्दै जाँदा वीरगञ्जका व्यापारीले निधार खुम्च्याउन थालेका छन् । भैरहवाको कारोबार वृद्धिले उनीहरुमा मनोवैज्ञानिक त्रास उब्जेको छ ।

आर्थिक नगरीका रुपमा चिनिएको वीरगञ्जलाई मधेस आन्दोलन र भारतीय नाकाबन्दीले थिलथिलो बनायो । त्यसले गर्दा यहाँबाट हुने कारोबार भैरहवा भन्सारतर्फ सिफ्ट भइरहेको व्यवसायी बताउँछन् । यति मात्र होइन, उनीहरुले त राज्यले नै विशेष आरक्षण र सहुलियत दिएर भैरहवालाई माथि उठाएको आरोपसमेत लगाएका छन् ।