काठमाडाैं । नेपाल कम्युनिष्ट पार्टी (नेकपा)मा पार्टी अध्यक्ष तथा प्रधानमन्त्री केपी शर्मा आेलीले सरकार र पार्टी नेतृत्वलाई घेराबन्दी गर्न खोजेको भन्दै बरिष्ठ नेता माधव कुमार नेपाललाई कारबाही गर्ने तयारी थालेको स्रोतले जनाएको छ ।आज चलेको सचिवालय बैठकमा नेताहरुले आ-आफ्नो विदेश भ्रमणको बारेमा चर्चा गरेसंगै बाँकी धेरै कुरा अगाडी बढ्न नसकेपछि बैठक पुनः २४ गतेका लागि डाकिएको थियो ।
तर, प्रधानमन्त्री आेलीका निकट नेताहरुको सल्लाह अनुसार अहिले सरकारलाई विपक्षीले खेदिरहेको र समाजमा विभिन्न हत्या, आतंक, महङ्गी लगायतका अन्य कुराहरु बढेका बेला नेता नेपालले सदनमा गएरै सरकारको कडा आलोचना गर्नु पार्टीको हित विपरितको कुरा रहेको भन्दै कारबाहीको तयारी थालेको स्रोतको दावी छ ।
प्रधानमन्त्री आेलीले यसबारे अर्का अध्यक्ष पुष्पकमल दाहाल ‘प्रचण्ड’संग समेत छलफल गर्ने तयारी थालेको स्रोतले जनाएको छ । प्रचण्डले यसमा हुन्छ भनि दिए मात्रै नेता नेपाललाई कारबाही गर्ने आेलीको तयारी रहेको छ ।
नेता नेपालले सदन देखि मिडियासम्म आेलीको कार्यशैली र पार्टीमा आफूलाई परास्त गर्न लागि परेको भन्दै सार्वजनिक अभिव्यक्ति दिँदै हिडेका छन । भने, नेपाल पक्षका नेताहरु समेत सरकारको खुलेरै विरोधमा उत्रेका छन् ।
नेपाललाई अनुशासन पालना नगरेको या विभागीय जिम्मेवारी बाहिर गएर अभिव्यक्ति दिएको विषयमा कारबाही हुने संकेत देखा परेको नेकपा उच्च स्रोतले जनाएको छ ।
No comments:
Post a Comment