काठमाडौं । दशैँका लागि घर जाँदै गरेका एक दम्पतीलार्इ ट्रकले ठक्कर दिँदा श्रीमानकाे मृत्यु भएको छ भने श्रीमती घाइते भएका छन् ।काठमाडौंको नैकापमा उनीहरु सवार मोटरसाइकललाई पछाडिबाट अाएकाे ट्रकले ठक्कर दिँदा श्रीमानको मृत्यु भएको हाे । घाइते भएकी श्रीमतीको अवस्था पनि गम्भीर रहेको छ ।
नैकाप ओरालोमा शनिबार साँझ बा-७९ प नम्बरको मोटरसाइकललाई ना-६ प ३०४१ नम्बरको ट्रकले पछाडिबाट ठक्कर दिएकाे हाे ।
मृत्यु हुनेमा स्याङ्जा पिँढीखोला घर भएका पुन थापा रहेको महानगरीय प्रहरी परिसर काठमाडौंले जनाएकाे छ ।
दुर्घटनामा गम्भीर घाइते बनेकी पुनकी श्रीमती दिव्या थापाको हाल वीर हस्पिटलमा उपचार भइरहेको छ । उनका श्रीमानलार्इ पनि उपचारका लागि ट्रमा सेन्टर ल्याइएकाेमा उपचारकै क्रममा मृत्यु भएको प्रहरीले जनाएकाे छ ।
No comments:
Post a Comment