छक्का पञ्जा ३’ को नयाँ रेकर्ड , यस्तो रह्यो फस्ट डे कलेक्सन

हिजोबाट रिलिजमा आएको चर्चित फिल्म छक्का पञ्जा ३ ले दर्शकहरुको उल्लेखनिय साथ पाईरहेको छ । आफना अघिल्ला सिरिजहरुमा कथाबस्तुको कारण केही आलोचना खेप्दै आएको टिमले यस पटक भने गहन बिषयबस्तुलाई उठाएको छ । जसको कारण पनि फिल्मले दर्शक तथा समिक्षकहरुबाट पनि सकरात्मक प्रतिक्रिया पाईरहेको छ ।

कमेडीसंगै सरकारी बिद्यालयहरुमा हुने गरेको राजनिती , बिकृती र बिसंगतीलाई फिल्मले आफनो मुख्य बिषय बस्तु बनाएको छ । प्रस्तुतीसंगै फिल्मको कथाबस्तुलाई दर्शकहरुले रुचाएपछि निर्माण टिम दंग छ । कतिपयले त छक्का पञ्जा ३ लाई छक्का पञ्जाको सिरिजहरुमा सबैभन्दा उत्कृष्ट भनि टिप्पणी पनि गरेका छन् । करिब २०० हलबाट रिलिजमा आएको छक्का पञ्जा ३ ले फस्ट डेमा बम्पर ओपनिङ गरेको थियो ।

निर्देशक दीपा श्री निरौलाका अनुसार फिल्मले राजधानीमा मात्र १ करोड ३० लाख कलेक्सन गर्न सफल भएको छ । फिल्मको मोफसल कलेक्सनको रिपोर्ट भने आई नसकेको उनले कालिका मिडियालाई बताईन् । छक्का पञ्जा २ ले पहिलो दिन एक करोड ५३ लाख ग्रस कलेक्सन गरेको थियो । बिदाको दिन रिलिज नहुँदा पनि ‘छक्का पञ्जा ३’ ले नयाँ रेकर्ड बनाएको छ ।



नन होलिडे रिलिज हुँदा पनि नेपाली फिल्मले झण्डै १ करोड ३० लाख कलेक्सन गरेको यो पहिलो रेकर्ड हो भन्दा फरक पर्देन । मोसफलको रकेर्ड पनि आइपुगे फिल्मको कलेक्सन करोड ६० ७० करोडको आसपासमा रहने अनुमान गरिएको छ । आज पनि सिनेमा घरहरु हाउसफुल रहेका छन् ।

फिल्ममा दिपकसंगै दीपिका प्रसाईँ, केदार घिमिरे, जितु नेपाल, बुद्धि तामाङ, स्वस्तिमा खड्का, प्रियंका कार्की, बर्षा राउत, संजोग कोइराला , शिवहरि पौडेल, विल्सन विक्रम राई, निर शाह, यमन श्रेष्ठ, किरण केसी, शारदा गिरी लगायतका कलाकारहरुको अभिनय छ ।फिल्मको कथा दिपक स्वंयमले लेखेका हुन् ।