नेपालको शानदार प्रदर्शन, दोस्रो ओभरमै पूरा गर्‍यो चीनले दिएको लक्ष्य

काठमाडौं, असोज २४ । आईसीसी टीट्वेन्टी विश्वकपको पहिलो चरणको एसियाली छनोट प्रतियोगिता अन्तरगतको पाचौं खेलमा नेपालले चीनलाई १० विकेटको पराजित गरेको छ। चीनले दिएको २७ रनको लक्ष्य नेपालले १।५ आभेरमा बिना विकेटको क्षतिमा २९ रन बनाइ पूरा गर्‍यो । नेपालको जितका लागि विनोद भण्डारीले २४ रन बनाए भने प्रदीप ऐरीले ४ बनाए । नेपाललाई दोस्रो ओभरमै जित दिलाउन विनोद भण्डारीले २४ रन लिए उनले ८ बल मा ३ चौका र १ छक्का प्रहार गरे । ४ रनका लागि प्रदीपले ३ बलको सामना गरे ।