भाईरल भएकी नायिका भन्छिन् “खसिनी भन्दा आपत्ति किन” ?

आजभोली भाइरल हुनको लागि सामाजिक सञ्जाल नै काफी छ । पछिल्लो समय कलाकारहरुका लागि बरदान नै साबित भएको सामाजिक सञ्जाल कहिले काही तीनै कलाकारहरुका लागि अभिसाप हुने गर्छ भने कहिलेकाही चर्चासंगै हाँसोको पात्र पनि बन्ने गर्छ र यस्तै भोगिरहेकीछिन् पछिल्लो समय नायिका आशिका तामाङ ।

फिल्मी दुनियाँमा आउँनु अघि हलिउड नायिका एञ्जिलिना जोली जस्तै भनी चर्चामा उनले आर्यन सिग्देलसंग सुश्री नामक फिल्मबाट डेब्यु गरिन् । फिल्म सुपरफ्लप भयो भने उनलाई हात्ती आयो हात्ती आयो फुस्सा भने जस्तै भयो किनकी त्यसपछि उनलाई न त चर्चा मिल्यो न त फिल्मको अफर नै । तर पछिल्लो समय उनको एक भिडियो ट्रोल हुँदै सामाजिक सञ्जालमा भाईरल भएपछि उनी रातारात चर्चामा आएकीछिन् ।

उनले दशैको बेला मासु नखान आग्रह गर्दे पोस्ट गरेको भिडियोको सन्देश राम्रो थियो तर उनले बोल्न नजान्दा हत्या नगरिकन मासु खान र खसिनी भनेपछि उनको खिल्ली उड्नु सम्म उड्यो । कतिले उनलाई पब्लिसिटी स्टण्ड पनि तर उनले आफनो सन्देश पब्लिसिटीका लागि नभई सकरात्मक सन्देशको लागि भएको बताएकीछिन् ।

जर्मनीमा बस्दै आएकी उनी आफै पनि मांसहारी हुन तर उनले किन यस्तो भिडियो किन बनाईन् उनी भन्छिन् ‘म सानै हुँदा आमा बित्नुभयो । त्यसपछि बुवाले अर्की आमा बिहे गर्नुभयो । उहाँले नै मलाई हुर्काउनुभएको हो । सानो छँदा मैले एउटा कुखुरा पालेकी थिएँ । यो कुखुरा मेरो साथी जस्तै थियो । सधैँ मलाई पछ्याउँथ्यो । स्कुल जाँदासमेत म यसलाई आफ्नो फ्रकभित्र लुकाएर लैजान्थेँ ।



तर, एउटा दशैंमा अर्की आमाले मलाई नसोधि यो कुखुरा काटिदिनुभएछ । मलाई अति नराम्रो लाग्यो धेरै दिन रोएँ पनि । आफ्नो मिल्ने साथी गुमाएको महसुस भयो । अहिले जर्मनीमा छु । केही दिनअगाडि मेरो गाउँकी साथीले फोन गरिन् । दशैंको विषयमा कुराकानी भयो । यही सन्दर्भमा उनले मेरो त्यो कुखुरा काटिएको कुरा झिकिन् । मलाई पुरानो घाउ कोट्याए झैं भयो । मेरो आँखाबाट अनायाश आँशु झर्‍यो ।