भ्वाइस अफ नेपालको स्टेजमा तनाव, जजहरूको यस्तो रूप (प्रिभ्यू भिडियो)

काठमाडौं । चर्चित टिभि रियालिटी शो द भ्वाइस अफ नेपालको ब्लाइन्ड अडिसनका सबै एपिसोड पूरा भएका छन् । १० वटा एपिसोड सकिएपछि अब ब्याटल राउण्ड सुरू हुँदैछ । ब्याटल राउण्डका केही भिडियो झलकहरू बाहिरिएका छन् । त्यसबाट अनुमान लगाउन सकिन्छ कि भ्वाइस अफ नेपालको स्टेज तनावपूर्ण बनेको छ ।

हिजो आइतबार राति प्रशारित भएको ब्लाइण्ड अडिसनको अन्तिम एवं १० औं एपिसोडको समाप्ति सँगै अब अब सुरू हुनेछ ब्याटल राउण्ड । जसका लागि स्टेज नै बदलिएको छ । स्टेज मात्रै हैन जजहरूको ड्रेस र कार्यक्रम संचालकको पनि रूप बदलिएको छ ।जज र प्रस्तोता नयाँ पहिरनमा देखिएका छन् । ब्याटल राउण्डको प्रोमो भिडियोमा पहिरन फेरिएको देखिन्छ ।

ब्लाइन्ड अडिसनका १० एपिसोडमा एकै पहिरन देखिएपनि अब ब्याटल राउण्डमा पहिरन फेरिएको छ । छोटो समयमा सर्वाधिक रूचाइएको टिभि रियालिटी शो द भ्वाइस अफ नेपालका आगामी श्रृङ्खलाहरू थप रोचक हुने अनुमान लगाउन सकिन्छ । किनकी पछिल्लो एपिसोडमा देखाइएको प्रोमो हेर्दा प्रतिस्पर्धी र जजहरूबीच घम्साघम्सी चलेको देखि उदासी, हाँसो ठट्टा र तनाव सबैको मिश्रण देखिन्छ । एकजना प्रतिस्पर्धी रिसाएर स्टेज छाडेर हिडेको देखि जजहरूमा देखिएको तनावले ब्याटल राउण्डप्रति दर्शकको झनै खुल्दुली बढेको छ । यो प्रिभ्यू भिडियो हेर्नुस्ः