३ वर्षदेखि आफ्नै बाबुले १४ बर्षिय छोरीमाथि लगातार बलात्कार गरिरहेका थिए, सहनै नसकेर छोरीले गरिन् …

१४ वर्षकी एक बालिका प्रहरी चौकी पुगिन् । उनले त्यहाँ पुगेर जे सुनाइन् त्यो सबै सुन्दा त्यहाँ भएका प्रहरीकै मुटु काँप्यो । ती बालिकाले आफ्नै पितामाथि बलात्कारको आरोप लगाइन् । उनका अनुसार पिताले ३ वर्षदेखि अश्लील फिल्म हेर्दै उनको यौनशोषण गरिरहेका थिए । यो बीचमा उनी २ पटक घर छोडेर पनि भागिन् । तर, भागेर आफन्तकहाँ गएकी उनलाई पिताले जबरजस्ती फर्काएर ल्याए । बालिकाले आफ्नी आमाको मानसिक अवस्था ठिक नभएकोले आमालाई भन्न समेत नसकेको बताइन् ।

किशोरीलाई उनका पिताले कसैलाई नभन्न धम्की दिइरहन्थे । बुधबार आरोपी पिता काममा गएपछि बालिका प्रहरी चौकी पुगेकी थिइन् । त्यसपछि प्रहरीले किशोरीको घर गएर कामबाट फर्किनासाथ उनका पितालाई पक्राउ गरेको छ । घटना दिल्लीनजिकै नोएडाको हो । बालिकाले आफूले सहनै नसकेर उजुरी गर्न आएको बताएकी थिइन् । किशोरीले प्रहरीलाई तुरुन्तै आफ्ना पितालाई पक्राउ नगरे आफूले आत्महत्या गर्ने बताएकी थिइन् । पिता पक्राउ परेपछि किशोरीले घरमा आफ्ना भाइहरु पनि भएकोले घरखर्च चलाउन कठिन हुने भए पनि आफैंले मेहनत गरेर घरखर्च चलाउने बताइन् ।