प्यूठानमा जीप दुर्घटना, एक जनाको मृत्यु

१५ असोज, प्यूठान । प्यूठानमा आज बिहान भएको जीप दुर्घटनाका एक जनाको ज्यान गएको छ ।

लु१च ३४७२ नं को पिकअप जीप दुर्घटना हुँदा गौमुखी गाउँपालिका–५ बस्ने शालिक बस्नेतको घटनास्थलमै ज्यान गएको हो ।ठूलाबेँसीबाट बाग्दुला आउँदै गरेको जीप गौमुखी ५ सालीबिसौनामा दुर्घटनामा परेको हो । ओरालोमा गुडिरहेको गाडी ब्रेक फेल हुँदा बाटोको कुनामा ठोक्किँदा दुर्घटना भएको प्रत्यक्षदर्शीले बताएका छन् ।

दुर्घटनामा अन्य मानवीय क्षति भएको छैन् । घटनाबारे थप विवरण आउन बाँकी रहेको जिल्ला प्रहरी कार्यालय, प्यूठानले जनाएको छ । स्थानीय र प्रहरीको सक्रियतामा उद्धार कार्य जारी रहेको स्थानीय जनक केसीले बताए ।