१३ असोज, काठमाडौं । राष्ट्रकवि माधव घिमिरेलाई शनिवार काठमाडौंमा नागरिक अभिनन्दन गरिएको छ । महानगरबासीको तर्फबाट काठमाण्डौं महानगरका मेयर विद्यासुन्दर शाक्यले राष्ट्रकवि घिमिरेलाई अभिनन्दन गरे ।राष्ट्रकवि घिमिरेको सम्मानमा महानगरले अभिनन्दन पत्र सहित पशुपति नाथ मन्दिरको स्वरुपको मुर्ति लगायत उपहार प्रदान गरेको थियो ।
कार्यक्रममा बोल्दै महानगरका प्रमुख शाक्यले राष्ट्रकवि घिमिरेले साहित्य सृजनामार्फत समाज जागरणमा पुर्याएको योगदानको प्रशंसा गरे । ‘विशिष्ट व्यक्तिले जात, भूगोल, क्षेत्रभन्दा माथि उठेर काम गरेका हुन्छन्’, उनले भने, ‘घिमिरे लमजुङ्मा जन्मनुभएको हो, हामी काठमाडौंबासी अभिनन्दन गर्दैछौं । यसले राष्ट्रिय व्यक्तित्व निश्चितताभित्र सीमित हुँदैन भन्ने देखाउँछ ।’
No comments:
Post a Comment