एजेन्सी । एउटा यस्तो हृदय विधारक दृश्य भाइरल भएको छ, जुन दृश्यले संसारकै ध्यान तानेको छ।भारतको मध्य प्रदेशको गुना भन्ने ठाउँमा हृदय विधारक दृश्य देखा परेको छ। जहाँ लक्ष्मण नाम गरेका ती ८० वर्षीय बृद्धले आफ्नी बिरामी पत्नीको उपचारका लागि ठेला गाडामा राखेर घचेट्दै अस्पताल पुर्याएका छन्।
पत्नीको खुट्टामा गम्भीर चोट लागेपछि उनी थला परिन्। त्यसपछि श्रीमानले ठेलामा हालेर धकेल्दै अस्पताल ल्याएका हुन्। उनले पत्नीलाई ठेलामै राखेर वार्डमै पुर्याएका थिए। तर अस्पताला यस्तो दृश्य हेर्नेको भिड भएपनि उनलाई सघाउन भने कोही पनि आएनन्।
अहिले यी वृद्धले ठेलामा राखेर श्रीमतीको उपचारका लागि अस्पताल ल्याएको एक भिडियो सामाजिक सञ्जालमा भाईरल भएको छ। भिडियोमा देखिए अनुसार वृद्धको ठेला धकेल्न एक जना गाउँलेले सहयोग गरेका छन्। भारत मध्यप्रदेशमा रहेको गुना जिल्लाको एक अस्पतालमा शुक्रबार उक्त घटना भएको हो।
No comments:
Post a Comment