काठमाडौँ- नेपाली राष्ट्रिय टिमका स्ट्राइकर विमल घर्तिमगर सहिद स्मारक ए डिभिजन लिगमा च्यासलबाट खेल्ने भएका छन ।उनलाई बिहीबार च्यासलले अनुबन्ध गरेको हो । विमल र क्लबसँग आधिकारीक रुपमा सम्झौता भएपछि एन्फामा भने उनको नाम आजमात्र दर्ता गराइने भएको छ ।
हाल बंगबन्धु गोल्डकपको तयारीमा रहेका विमलले गएको सिजन मोफसलमा भएका विभिन्न प्रतियोगितमा थ्रीस्टारबाट खेले पनि लिगका लागि भने क्लबले अनुबन्ध नगरेपछि कसले लिन्छ भनेर ठूलो अडकलबाजी भएका बेला त्रिभुवन आर्मी र च्यासलले चासो देखाइरहेका थिए ।
तर अन्तिममा उनी च्यासल जाने निर्णय गरेका हुन् । उनी कति रकममा अनुबन्ध भए भन्ने कुरा खुलाइएको छैन । साफ च्याम्पियनसिपमा पाकिस्तान विरुद्ध १४ वर्षको उमेरमा डेब्यु गरेका विमलले पहिलो खेलमा नै गोल गरेपछि चर्चामा आएका थिए ।
No comments:
Post a Comment