साढे ३३ केजी सुन प्रकरणः अब गोरे समाप्त…

काठमाण्डु, ८ असोज – प्रमुख प्रतिपक्षी दल नेपाली कांग्रेसका प्रभावशाली नेता एवम् पूर्वमन्त्री अर्जुननरसिंह केसीले बुहचर्चित साढे ३३ केजी सुन तस्करी प्रकरणबारे प्रश्न गरेका छन् ।

सोमबार राजधानीमा आयोजित कार्यक्रमा उनले भने, ‘३३ किलो सुन तस्करी प्रकरण कहाँ पुग्यो ? के भैरहेको छ ? त्यो कहाँ छ ? तर लहरो तान्दा पहरो गर्जिन्छ भनेर हाम्रो गाउँघरतिर भन्थे । अब त्यस्तै स्थिति छ । अब रिपोर्ट पनि कता गयो थाहा छैन ।’

सुनकाण्डका मुख्य नाइके गोरे भनिने चूडामणि उप्रेती नै पक्राउ परेपछि पनि बास्तविकता बाहिर आउन नसक्नु रहस्यमय भएको बताए ।‘अब कुन दिन न रहे बास, न बजे बाँसुरी भनेर त्यो गोरे नै समाप्त हुन बेर छैन ।’ उनले भने ।