पोखरामा बालिकाको बलात्कार पछी हत्या गरेको आरोपमा उनकै छिमेकी नै पक्राउ, कर्तुत गरेको स्वीकार

पोखरा, १० असोज । पोखरामा १० वर्षीया बालिका श्रीया सुनारको बलात्कार पछी हत्या गरेको आरोपमा बालिका कै छिमेकी पक्राउ परेका छन। पोखरा-२२ पुम्दीभुम्दीका २७ वर्षीय कुसुम पौडललाई पक्राउ परेका हुन्, जो श्रीयाका छिमेकी हुन् ।बालिकाको शव फेला पर्ने बित्तिकै सोहि दिन प्रहरीले ५ जनालाई पक्राउ गरेकोमा कुसुम पौडेलले भने बलात्कार पछी हत्या गरेको आफ्नो कर्तुत स्वीकार गरेका छन ।घटना भएको २४ घण्टा भित्रै अपराधी पत्ता लागेको कास्की प्रहरीले जनाएको छ । बलात्कारी पौडेलले रक्सि र गाजा खाएको बेला बालिकालाई बलात्कार गरेको र पोल खुल्ने डरले बालिकाको हत्या गरेको प्रहरी समक्ष बयान दिएका छन ।बालिका श्रेया सुनार साँझ साढे पाच बजे तिर बिस्कुट किन्न पसल गएको बेला बीच बाटोबाटै पौडेलले ललाई फकाई नियन्त्रणमा लिएको र बलात्कार गरी हत्या गरेका थिए । पोस्टमार्टम रिपोर्टका अनुसार बालिकाको बलात्कार भएको र त्यसपछि टाउकोमा गम्भीर चोट लागेर मृत्यु भएको प्रमाणित भईसकेको छ।